9/11

Eftir að ég skrifaði færsluna hér á undan þá ræddi ég myndina Zeitgeist við dóttur mína. Hún benti mér á myndbrot á youtube.com sem fjalla um atburðina 11. sept 2001. Ef þið sláið inn "9/11 coincidences" í leitarglugganum fást nokkur myndbrot (part 1 til part 16 að ég held). Það er ekki nauðsynlegt að fara í gegnum þetta allt en nokkuð áhugaverðar samsæriskenningar þarna á ferð. Mun auðveldara að þræla sér í gegnum það en Zeitgeist.

Getur verið að Bushstjórnin hafi að einhverju leyti staðið á bak við atburðina 11. sept 2001? Er það röð tilviljana sem rakin er í myndunum? Hér rek ég brot af því sem rakið er í myndunum:

• Því er haldið fram að í skýrslu á vegum Bushstjórnarinnar sé beinlínis óskað eftir atburði í líkingu við árásina á Pearl Harbour til að hraða m.a. hernaðarlegri uppbyggingu og styrkja stöðu Bandaríkjanna sem stórveldis.
• Engar myndir eru til af flugvél sem lendir á Pentagon þrátt fyrir að byggingin sé vöktuð af öryggismyndavélum. Mynd tekin af almenningi þegar sprengja springur á Pentagon sýnir enga flugvél, einungis torkennilegan hlut á ofsahraða yfir grasflötina áður en hann lendir á byggingunni og springur.
• Tvíburaturnarnir og bygging nr. 7 eru einu byggingarnar þar sem fullyrt er að eldur hafi brætt stál. Rök um að eldsneyti úr flugvélum eigi þar hlut að máli geta ekki átt við um byggingu nr. 7. Einkennilegir skálaga skurðir eru á eftirstandandi stoðum bygginganna.
• Yngri bróðir forsetans og ættingi þeirra höfðu með rafmagn og öryggiskerfi bygginganna að gera. Viku fyrir árásirnar var með stuttum fyrirvara farið fram á að rafmagn yrði tekið af öllum byggingunum, ekkert öryggiskerfi. Starfsmaður öryggiskerfisins var sannfærður um að tengsl væru milli árásanna og þessa, hann gerði yfirvöldum viðvart en var hundsaður.
• ...........og margt fleira...............

Ég væri sjálfri mér ósamkvæm ef ég segði að ég tryði þessu öllu, en ég væri líka sjálfri mér ósamkvæm ef ég tryði bara því sem yfirvöld segja okkur.

Verum gagnrýnin með öll skilningarvit opin!

Athugasemdir

[Jón Steinar Ragnarsson, 27.9.2007 kl. 21:41]

Takk fyrir innlitið og fyrir að vekja máls á þessu.  Þú spyrð, hvort þú sért að missa af einhverju. Já og ástæðan er að fjölmiðlum er miðstýrt af hagsmunaaðilum.  Það er enginn vafi í mínum huga að hér er maðkur í mysunni og það eru nú að nálgast 70% ameríkana, sem eru á sama máli, þökk sé netinu.  Margt af því efni, sem þar er að finna frá deginum örlagaríka hefur verið lokað niðri og engin leið að nálgast það eins og hið dularfulla hrun WTC7, sem hrundi á 6 sekúndum klukkan fimm þann dag eftir að lítill eldur hafði verið á einni eða tveimur hæðum.  Vandræðalegast var að BBC tilkynnti um hrunið 20 mín. áður en það átti sér stað.  Eitthvað voru menn of fljótir á sér að mata fjölmiðla.  Engar opinberar skýrslur hafa skýrt þennan undarlega atburð.

Hér er svo heimildamyndin Loose Change sem veltir upp mörgum spurningum, sem flestum hefur ekki verið svarað, þrátt fyrir hávær viðbrögð.  Fleiri og ítarlegri myndir um einstaka þætti hafa verið gerðar og fjöldi ráðstefna verið hafðar um efnið, þar sem virtir vísindamenn hafa borið alvarlegar brygður á hina opinberu skýringu, sem er í raun ótrúlegasta samsæriskenningin af öllum.

[Kristjana Bjarnadóttir, 27.9.2007 kl. 23:22]

Jamm, ég talaði hér áður um að ég væri að verða einsog spaugstofukallinn, óttast bankasamsæri, ég er farinn að óttast hættulegra samsæri.

En takk fyrir Jón Steinar, ef ég kemst ekki í vinnu á morgun er ljóst að ég hef nóg að gera við að kanna þessa linka. Netið er dásamlegt.

[Jón Steinar Ragnarsson, 28.9.2007 kl. 08:22]

Það þarf ekki að óttast neitt né bæta á sig áhyggjum.  Heimsmyndin hefur verið svona ansi lengi og í raun breytir þetta ekki miklu í okkar daglega lífi, sem stendur en ef umræða skapast um þetta og vitneskjan kemst í hámæli, er ljóst að það mun breyta miklu.  Upplýsing og menntun skipta máli. Svínaríið þolir ekki ljós og ef meðvitund vex og fólk hættir að gleypa att hrátt, sem úr fjölmiðlum kemur, þá mun þetta geim hrynja eins og spilaborg.  Sannleikurinn mun gera yður frjálsa, sagði góður maður víst. Sameinuð stöndum við, sundruð föllum.  Ég bendi líka á heimildamind í 3 eða 4 hlutum, sem heitir "The Century of the self", sem fjallar um hvernig áróðursmaskína stórfyrirtækja og stjórnvalda, hefur þróast síðustu öld.  Must see til að átta sig á samhengi hlutanna.

[Gíslína Erlendsdóttir, 28.9.2007 kl. 22:19]

Fór einmitt í gegnum þennan 9/11 samsærispakka á netinu í vetur. Mjög athyglisverðar kenningar og ég bara verð að viðurkenna að ég trúi öllu illu upp á fíflið hann Bush og hans mjög svo skuggalegu vini. Það undarlegasta við þetta allt var að ég var að horfa á þetta á disk í tölvunni sem ég hafði fengið hjá Þorgeiri frænda en þessu hafði verið halað niður af netinu og diskurinn gekk svo á milli fólks. Í miðju kafi heyrðist ógurlegur hávaði frá diskadrifinu og allt fraus. Ég gat ekki opnað drifið nema að skrifa það úr og þá kom í ljós að diskurinn hafði splundrast í frumeindir í drifinu. Ég vissi ekki einu sinni að þetta gæti gerst og hringdi í tölvumann sem sagðist aldrei hafa heyrt af því að diskar hreinlega leystust upp eins og þarna gerðist. Slíkur var krafturinn að ég týndi ekki brotin út því þau voru engin heldur þurfti ég að blása frumeindirnar úr drifinu. Okkur Þorgeiri þótti þetta hið undarlegasta mál í ljósi innihaldsins