Ormaveikt lamb

Skoðið myndina hér að neðan.

Hvað dettur ykkur í hug?

Ormaveikt lamb er það sem kemur helst upp í huga mér.

Næsta sem mér dettur í hug er: Það hefur einhver skaðað fallega landið okkar. Farið illa með það. Hverjum finnst það ekki þessa dagana?

Það sem myndin raunverulega sýnir eru helstu leiðir sem ég hef gengið. Það vantar reyndar inn nokkrar styttri leiðir, þær lengri eru þarna inni. Takmark mitt er ekki fallegt; gera lambið enn ormaveikara.......

Athugasemdir

[Þorbjörg Gunnarsdóttir (IP-tala skráð) 12.8.2009 kl. 09:34]

Það vantar klárlega meira á austurhluta lambsins!  Alltaf velkomin hingað austur :)

[Kristjana Bjarnadóttir, 12.8.2009 kl. 16:19]

Takk fyrir frænka,

Norðurhlutinn er líka ansi tómur. Það var reyndar á áætlun að fara í Fjörður nú í sumar en vegna þrálátrar norðanáttar og kulda á þeim slóðum var tekið upp varaplan...........Snæfellsnesfjallgarður. Sé reyndar ekkert eftir því, Fjörður bíða.

[Sæmundur Bjarnason, 12.8.2009 kl. 18:04]

Datt strax það rétta í hug. Öfunda þig af ferðunum fyrir norðan Vatnajökul og fyrir sunnan Hofsjökul.

[Kristjana Bjarnadóttir, 12.8.2009 kl. 21:09]

Sæmundur, ferðin sunnan Hofsjökuls var skíðaferð, setti hana samt með. Á eftir að fara þarna um að sumarlagi, líklega er það allt önnur upplifun. Ég náði að skoða svæðið norðan Kárahnjúka og Kringilsárrana áður en virkjunin kláraðist. Það svæði kom mér svo sannarlega á óvart. Mikill gróður. 

Ég get ekki með nokkru móti gert upp á milli þessara staða/ferða sem ég hef farið. Litadýrðin í kringum Hattver er mér samt alltaf minnisstæð.

Eftir því sem ég ferðast meira átta ég mig betur á því hvað ég á mikið eftir. Í hverri ferð verða til margar nýjar ferðahugmyndir.