Prjónadella

Ég get verið óttaleg dellukerling. Seinustu mánuði hafa fréttir heltekið mig. Einnig ýmislegt fréttatengt grúsk á netinu. Þetta gekk svo langt að fjölskyldunni fannst eiginlega nóg um.

Til lengdar er þetta ekki hollt enda hef ég reynt að aftengja mig til hálfs. Reyni samt að fylgjast með.

Nú hefur önnur della tekið við. Hjá mér býr þessa dagana tvílembd bóndakona, þ.e. Laufey systir mín. Hún hefur verið kyrrsett í höfuðstaðnum til að vera nálægt hátæknisjúkrahúsi.

Ég tek hlutverk móðursysturinnar svo alvarlega að ég sit og prjóna hverja auða stund sem ég finn. Það skal vera tvennt af öllu, ekkert hálfkák.

Þetta eru spennandi tímar.

Athugasemdir

[Erna Bjarnadóttir, 12.1.2009 kl. 14:12]

Ég hef ekki enn verið spurð hvort ég sé verðandi amman....hehe og hef því ekki lagst í að framleiða föt að verðandi frændsystkin. Hins vegar fékk ég martröð að ég væri sjálf tvílembd. Ég ætlaði varla að þora að sofna næsta kvöld á eftir....

[Ásdís (IP-tala skráð) 12.1.2009 kl. 19:34]

Ha, ha, þetta er góð della, vildi að ég hefði tíma. Eh... kannski hef ég tíma til að prjóna. Verð búin að fitja upp á einhverju fyrir fimmtudaginn.

[Raggi litli (IP-tala skráð) 14.1.2009 kl. 13:13]

Tvílembd ja ,,,,þá verða þetta heimalingar,,,,,,,,,,,,,,

[Ragnheiður , 14.1.2009 kl. 14:25]

Ahh..kannast við svona dellur, er sjálf undirlögð prjónadellu eftir margra ára hlé í þeirri deildinni. Getur séð eitthvað af afrakstrinum á síðunni minni, auðvitað sér albúm enda kvenpersónan hamhleypa þegar hún hefst handa hehe