Á Austurvelli

Ég mætti á Austurvöll í dag. Það var hressandi. Þarna var saman kominn hópur fólks af öllum þjóðfélagsstéttum sem ofbauð "ástandið". Mér kom það skemmtilega á óvart að þarna voru virðulegar eldri konur í pelsum.

Margir létu það fara í taugarnar á sér að mótmælin beindust gegn einni persónu. Í byrjun gerði ég það líka en eftir að hafa lesið pistil Láru Hönnu sá ég að það var fáránlegt að láta það stoppa sig. Ef við bíðum eftir mótmælaaðgerðum sem eru teiknuð upp eftir okkar höfði er ég hrædd um að við sitjum alltaf heima.

Gerum okkur líka grein fyrir því hversu gríðarmikill gerandi þessi persóna er. Einkavæðing bankana varð í forsætisráðherratíð þessa manns, gengdarlaus stækkun bankakerfisins og lækkun bindiskyldu sömuleiðis. Síðan þegar bregðast þurfti við þá sat þessi maður sem formaður bankaráðs Seðlabankans........og gerði ekkert til að koma böndum á útrás bankana. Hvernig á þessi maður að taka þátt í björgunaraðgerðum?

Er það skrýtið að fólki ofbjóði?

Þórólfur Árnason sagði af sér sem Borgarstjóri fyrir mun minni sakir. Hann er maður að meiri og myndi ég fagna honum ef hann kæmi aftur til starfa í stjórnmálum. Þannig eiga menn sem taka ábyrgð að fá uppreisn æru. Þeir sem sitja út í hið óendanlega missa æruna. Sama hversu lengi þeir sitja, æran kemur ekki aftur.

Ég átti í morgun spjall við gamlan kunningja, það var fróðlegt. Meðal annars veltum við fyrir okkur líkindum dýrkunar á Davíð Oddssyni við dýrkun á Hitler. Báðir með gríðarlega hæfileika til að hrífa fólk með sér og hirð samherja sem verja þá hvað sem á gengur. Þetta er mjög áhugaverð sálfræðipæling. Enn áhugaverðara er að þeir nota sömu aðferð til að blekkja almúgann. Þeir finna aðila sem fólkið getur sameinast um að kenna um ófarir sínar. Hitler Gyðinga, Davíð útrásarvíkingana. Almenningur lætur blekkjast, Egill Helgason er hamslaus af reiði gagnvart útrásarliðinu og finnst þessi mótmæli skrýtin. Egill er áhrifamikill og vafalaust hafa margir hikað við að mæta á Austurvöll vegna orða hans. Davíð tókst ætlunarverkið.

Fólk er fífl.

Athugasemdir

[Lára Hanna Einarsdóttir, 18.10.2008 kl. 20:41]

Það hefði nú verið gaman að þekkja þig í sjón og hafa hitt þig þarna. Hitti tvær bloggvinkonur, en báðar hef ég hitt áður og þekki í sjón.

[benediktus (IP-tala skráð) 18.10.2008 kl. 21:15]

500 stalkers voru á Austurvelli í dag.

[Helga (IP-tala skráð) 18.10.2008 kl. 21:31]

Þú ert sorglegt eintak af mannveru. Líkir Davíð Oddsyni við Hitler og segir hann nota útrásarvíkinga eins og Hitler gyðinga. Þekkiru söguna svona illa eða ertu bara að reyna að vera sniðug og stóryrt svo þú fáir athygli í bloggheimum?

[Kristjana Bjarnadóttir, 18.10.2008 kl. 22:03]

sæll benediktus, Talning mannfjöldans á Austurvelli er ein af einkennilegu fréttum dagsins. Þarna voru klárlega fleiri. Það hafa fleiri en ég vitnað um. 

Sæl Helga

Já ég er sorglegt eintak, a.m.k. er ég ákaflega sorgmædd þessa dagana. Ég er sorgmædd yfir glötuðum tækifærum barna og unglinga þessa lands. Ungmenni okkar höfðu fulla ástæðu til að ætla fyrr á þessu ári að framtíð þeirra væri björt. Sú sýn á ekki lengur við.

Það er full ástæða til að velta fyrir sér hvers vegna þeir sem bera ábyrgð á atburðarásinni sitji enn á sínum stólum. Gagnrýnislaus aðdáun og stuðningur við Davíð er ekki fordæmalaus í sögunni. Ég stend fyllilega við þann hluta pistilsins. Þá er ég ekki að líkja Davíð við Hitler, heldur að tala um gagnrýnislausan stuðninginn. Taki þeir til sín sem eiga.

Það má vera að ég hafi gengið of langt í samlíkingunni varðandi útrásarvíkingana og gyðingana, svo mikið er víst að báðir aðilar kappkosta að beina athyglinni að einhverju sem fólkið getur sameinast um að hafa andúð á. Við það stend ég.

Ef ég væri á höttum eftir athygli í bloggheimum hefði fyrirsögnin verði æsilegri og tengd þessu umfjöllunarefni, það hefði klárlega trekkt. Einnig hefði ég getað tengt þetta við frétt moggans um mótmælin á Austurvelli. Þessi kenning þín stenst ekki.

[Mundi (IP-tala skráð) 19.10.2008 kl. 13:34]

Það sem er sorglegast af öllu er að sjá hvernig fólk eins og Helga spólar ennþá í sama drullufarinu; Davíð skal verja fram í rauðan dauðann, alveg sama hvaða hörmungar hann leiðir yfir land og þjóð.

Heyriði annars, Kristjana og kó urðu ekki fyrst til að nefna Davíð og nasista í sömu andránni. Man einhver eftir því þegar Jörg Haider var upp á sitt besta í Austurríki? Formaður öryrkjabandalagsins, sem átti um sama leyti í deilum við Davíð um eitthvað, sagði sem svo, og orðaði mjög snyrtilega, að við ættum í einhvers konar Austurrískum vanda. 

[Kristjana Bjarnadóttir, 19.10.2008 kl. 17:50]

Takk Mundi, þó skrápurinn þykkni er stuðningur vel þeginn

Orð Jóns Baldvins í Silfrinu í dag segja margt, þe. að Davíð þvælist fyrir. ATH á ögurstundu. Hversu alvarlegt er það?

Og enn hamast hjörðin við að verja þennan mann. Auðvitað eiga fleiri sök að máli, en þeir eru ekki að þvælast fyrir í sama mæli.