Nóbellinn

Í ljós hefur komið að u.þ.b. 50 alþingismenn hafa skrifað undir skjal þar sem mælt er með að Sri Chinmoy fái friðarverðlaun Nóbels. Við eftirgrennslan kom einnig í ljós að fæstir þeirra þekktu til starfa mannsins eða samtaka hans.

Ég hef ekki kynnt mér náið störf Sri Chinmoy, en það sem ég hef skoðað hefur ekki sannfært mig um að hann hafi áorkað miklu til friðarmála í heiminum. Eitt er að vilja frið, það viljum við öll, annað er að störfin sem einstaklingurinn hafi innt af hendi hafi stuðlað að friðsamlegri lausn í átökum og leitt til friðar. Það orkar líka ávallt tvímælis og fyllir raunvísindasálir eins og mig efasemdum þegar afrek sem þessi maður á að hafa unnið til eru slík að grípa verður til yfirnáttúrulegra skýringa. Að lyfta þyngdum sem undir venjulegum kringumstæðum duga til að brjóta bein og neita að notað hafi verið vogarafl er ekki trúverðugt. Afrek á  ljóðagerðasviði og málaralist eiga að vera slík að ómannlegt er. Vafalaust býr falleg hugsun að baki, en dugar þetta til að verðugt sé að fá friðarverðlaun fyrir?

Nú getur verið að mér hafi yfirsést það sem Sri Chinmoy hefur áorkað og sé virkilega til góðs í baráttu fyrir friði í heiminum. Eftir stendur samt spurningin: Er það ekki lágmarkskrafa okkar sem kjósenda að þingmenn okkar kynni sér mál áður en þeir rita nafn sitt til stuðnings einhverju?

Ég sem almennur "nobody" hef haft það fyrir reglu að setja ekki nafn mitt við undirskritarlista nema um sé að ræða eitthvað sem ég þekki vel og sé hjartanlega sammála. Ég geri þá kröfu til alþingismanna að þeir vinni einnig þann hátt.

Athugasemdir

[ásdís (IP-tala skráð) 27.9.2007 kl. 11:19]

Úff, já þetta kemur frekar kjánalega út fyrir blessaða þingmennina. Enn eitt tilefnið til að velta fyrir sér, er þá annað eftir þessu?

[Fríða Eyland, 1.10.2007 kl. 20:07]

Var að lesa bloggið aftur í tímann hjá þér og þegar ég rakst á þessa grein datt mér í hug þessi grein.  

hjá mög góðum bloggara. Hún linkar efni tenkt þessum svindlara.

Bara svona ef þú hefðir áhuga 

[Fríða Eyland, 1.10.2007 kl. 20:08]

Soory gleymdi púkanum

[Kristjana Bjarnadóttir, 1.10.2007 kl. 21:30]

Takk, var reyndar búin að lesa þetta á vantrúarvefnum og fleiri síðum, var bara að reyna að vera hófstillt í orðum. Reyni frekar að vera á þeim nótunum, kannski sleppi ég mér einhverntíma, þá verður gaman..............