Af því að útlenski maðurinn sagði það

Íslendingar eru alltaf sömu smásálirnar. Nú má helst skilja að samningsstaða okkar gagnvart Bretum og Hollendingum hafi skyndilega batnað. Af hverju? Jú af því að útlenskur maður sagði að rétt hefði verið að bíða með að semja þar til ljóst væri hvað eignir Landsbankans gæfu af sér.

Hver getur ekki tekið undir þetta?

Og hvað kemur í ljós, jú auðvitað það að íslenska samninganefndin reyndi að semja á þessum nótum.........en því var hafnað.

Og hvað hefur þá breyst?

Útlenskur maður sagði þetta við fjárlaganefnd Alþingis.

Einnig hefur leiðarahöfundur Financial Times talað máli okkar.

En hverju breytir það varðandi stöðu okkar gagnvart viðsemjendum okkar?

Engu að því ég best get séð.

Af umfjöllun undanfarinna daga mætti stundum halda að atkvæðagreiðsla Alþingis um ríkisábyrgð á Icesavesamningnum snúist um það hvort við skuldum þetta eða ekki, eða hvort við yfirhöfuð viljum borga. Að með einfaldri handauppréttingu á Alþingi sé hægt að ákveða hvort við þurfum að borga þetta.

Mikið vildi ég að svo væri. Þá er ég ansi hrædd um að Ögmundi yrði að ósk sinni og niðurstaðan yrði klárlega 63:0 og samningurinn yrði felldur og skuldirnar myndu niður falla.

Það er eins og það gleymist í umræðunni að við skuldum þetta jafnmikið hvort sem samningurinn verði felldur eða samþykktur.

Fáránleiki umfjöllunarinnar náði nýju hámarki í kvöld þegar fréttkona á Stöð 2 varpaði undrandi þeirri spurningu til Guðbjartar Hannessonar hvort hann vildi kannski sleppa við að borga Icesave. Hélt hún virkilega að þetta snerist um hvort okkur langaði að borga?

Að lokum vil ég svo benda á ágætan pistil Guðmundar Gunnarssonar frá því í gær og annan sem birtist í dag.

Athugasemdir

[Heiða B. Heiðars, 12.8.2009 kl. 21:37]

vá bullið! Þetta er nákvæmlega það sem fullt af fólki er búið að vera að segja allan tímann. Það að Lee Buchier staðfesti það er bara bónus.

[Kristjana Bjarnadóttir, 12.8.2009 kl. 21:44]

Nákvæmlega Heiða, okkur finnst þetta öllum, líka mér. En ekki Bretum og Hollendingum, þeir höfnuðu því að semja á þessum nótum. Það var reynt.

Er líklegt að það takist frekar núna?

[Jón Sveinsson, 12.8.2009 kl. 22:01]

Það getur ekki annað en batnað að semja upp á nýtt, því þeir vita að þessir samningasemd sem send var af Jóhönnu og Steingrími voru menn sem eru útbrunnir en Bretar og Hollendingar réttu þeim þetta upp í hendurnar og þeir settu mark sitt á, Þeir skilja ekki í stjórnvöldum á Íslandi að vera ekki búnir að sjá þessa vitleysu OG HAFA SAMBAND OG RÆÐA ÞETTA MEÐ MÖNNUM SEM VITA HVAÐ HÆGRI VINSTRI UPP OG NIÐUR.