Kvöldganga á Móskarðshnjúka

Í dag er þriðjudagur og þá stendur Hugrún göngufélagi minn, fyrir kvöldgöngum. Í kvöld var ferðinni heitið á Móskarðshnjúka.

Þó gangan í gær hafi verið löng og stíf var skrokkurinn bara í fínu formi og því ekkert til fyrirstöðu að skella sér. Örlítið fann ég í aftanverðum lærunum að ég hefði tekið á í gær en mér til mikillar ánægju þá truflaði það uppgönguna ekkert.

Það er óhætt að segja að æfingar seinustu vikur hafi skilað sér og var ég semsagt bara í góðu formi og naut kvöldgöngunnar.

Með mér á myndinni eru göngufélagar mínir Ragnheiður og Bestla.

Fleiri myndir sjá hér.