Krónan og raunveruleg verðmæti

Ég hef aldrei átt hlutabréf, mér hefur einhvern vegin þótt það áhættusamt. Minn sparnaður hefur ætíð verið í krónum á bankabók.

Í dag gerði ég mér grein fyrir því að það er verulega áhættusamt að geyma spariféð sitt í þessum krónum. Raunverulegt verðmæti krónunnar er að þurrkast upp. Það er verulega áhættusamt að eiga þennan gjaldmiðil og geyma þó ekki sé nema fermingapeninga unglingsins í þessum gjaldmiðli. Hann er ekki pappírsins virði fyrir utan landsteinana.

Nú er komið að því að launþegar landsins krefjist þess að fá launin sín uppgerð í raunverulegum verðmætum en ekki verðlausum gjaldmiðli. Þessi raunverulegu verðmæti hljóta þá að tengjast starfssemi á vinnustaðnum.

Hm, ég vinn í Blóðbankanum.................!

Athugasemdir

[Ragnheiður , 1.10.2008 kl. 18:06]

Færðu þá ekki bara borgað í blóði ?

Þú ert heppinn "banka"starfsmaður, þér verður ekki sagt upp

Ég vinn á leigubílastöð, fæ ég þá borgað í bílum ?

[Erna Bjarnadóttir, 1.10.2008 kl. 20:20]

Ertu að leggja til að við tökum upp vöruskipti.... hmmmmmmm

[Kristjana Bjarnadóttir, 1.10.2008 kl. 21:03]

tja, vörur sem flokkast undir raunveruleg verðmæti. Treystir einhver sér til að segja að krónan sé raunveruleg verðmæti?

Bara spyr.

[Anna Einarsdóttir, 1.10.2008 kl. 23:37]

Eins og er, vinn ég hálfan daginn í grænmetistorgi og hálfan daginn í banka.

Ætti ég þá að biðja um kál og krónur ?  Það hljómar ekkert sérstaklega vel. 

Þó skárra en hjá þér Kristjana. 

[Bylgja (IP-tala skráð) 2.10.2008 kl. 21:42]

ég ætla að fara að safna gulli og ætla hér eftir að kaupa gull fyrir þær aukakrónur/evrur sem ég eignast. Flott að eiga nokkrar stangir núna

[Kristjana Bjarnadóttir, 2.10.2008 kl. 23:48]

Anna, kálið er raunveruleg verðmæti, þú sveltur a.m.k. ekki meðan þú færð útborgað í því.