Tveir fyrir einn

Í dag ætla ég bara að nöldra, ekki að ég hafi svosem ekki gert það oft áður. Þetta nöldur er hins vegar fullkomlega ópólitískt. Fer í flokkinn "Það sem ég þoli ekki".

Ég þoli ekki þegar bílum er lagt þannig á almenningsbílastæðum, að hluti bílsins nær yfir í næsta stæði.

Þetta virðist ekki skipta miklu máli en í borgarsamfélagi sem þéttist óðum er hvert bílastæði dýrmætt, jafnvel liggur stundum við slagsmálum um þau. Stundum sér maður bíla sem eru vel inn á stæðinu við hliðina, stæðin eru yfirleitt vel merkt með hvítum línum og það ætti ekki að vera flókið að hafa bílinn innan þeirra marka. Þetta verður oft til þess að næsta stæði nýtist ekki. Þetta er ný skilgreining á "tveir fyrir einn".

Vinafólk mitt bjó um nokkurt skeið í Gautaborg. Þar er það einfaldlega þannig að ef þú leggur svona þá færðu sekt eins og þú hafir ekki borgað í stæði, eða lagt ólöglega. Ég mæli með þessu.

Athugasemdir

[Laufey Bjarnadóttir (IP-tala skráð) 14.11.2007 kl. 23:44]

Svo er það annað, stæðin eru of lítil fyrir þá bíla sem landinn ekur um á núna, annað meðan allir óku um á nettum fólksbílum.