Andlag einkavæðingar - hvað meinti maðurinn?

Eftirfarandi setning sem  Geir H. Haarde, forsætisráðherra, sagði á Alþingi í gær hefur hringlað í í höfðinu á mér: "..................ég get tekið undir það sjónarmið, að orkulindirnar sjálfar eiga ekki endilega að vera andlag einkavæðingar".

Það er tvennt sem ég hef staldrað við:

• Hvað þýðir orðið andlag?
• ".................eiga ekki endilega..........."

Vinnufélagi minn fletti upp í orðabók fyrir mig:

Andlag = fallorð, fallsetning, fallháttur eða bein ræða, stendur ævinlega í aukafalli og stýrist af sagnorði

Er einhver einhverju nær um hvað forsætisráðherra meinti?

Ég bið ykkur um að veita athygli orðunum: "...........eiga ekki endilega......" Hvað þýða þessi orð?

Ekki neitt. Eftir skamman tíma er auðvelt fyrir hann að halda hverju sem er fram því þessi orð binda manninn barasta ekki neitt.

Þegar stjórnmálamenn tala óskýrt verð ég tortryggin.

Ég bið bara um eitt: Kæri forsætisráðherra og aðrir sjálfstæðismenn, viljið þið bara gera svo vel og segja mér hvort þið viljið afhenda einkaaðilum orkulindir þjóðarinnar.

Samúð mín er ekki síst með kjósendum Sjálfstæðisflokksins sem kusu flokkinn í þeirri trú að ekki stæði til að afhenda einkaaðilum orkulindir þjóðarinnar.

Ég minni á að REI á hlut í Hitaveitu Suðurnesja og þar með talinn eru virkjunarréttindi á Reykjanesi. Borgarstjórnarflokkur Sjálfstæðisflokksins villselja REI með hraði til einkaaðila.

Athugasemdir

[Gíslína Erlendsdóttir, 10.10.2007 kl. 21:40]

Engin glóra í þessari endaluasu einkavæðingu.....skil ekki hvar þetta endar. Man vel eftir sérfræðingi frá Kaliforníu sem hélt hér erindi í fyrra að mig minnir og varaði sérstaklega við einkavæðingu orkufyrirtækja, sagði mjög slæma reynslu af því fyrirkomulagi í Kaliforníu....ef ég man rétt. Af hverju megum við.....fólkið í landinu ekki eiga neitt neitt saman....af hverju þarf allt að fara í hendurnar á örfáum ríkum og útvöldum eins og til stóð með þessari sameiningu og sölu......æi...mér verður bara illt og má ekki við því núna.  Niður með sjálfstæðismenn...þeirra tími er liðinn.

[Fríða Eyland, 10.10.2007 kl. 21:56]

Það gildir einu hvort maður skilji þá eða ekki, aldrei neitt að marka þá hvort sem er

[Fríða Eyland, 10.10.2007 kl. 22:00]

á að vera skilur....annars getur verið að Haarde hafi ætlað að seigja eitthvað annað og farið að hugsa um málfræði og mist etta útúr sér óvart

[Gestur (IP-tala skráð) 11.10.2007 kl. 12:42]

Hvernig er þetta eru það ekki fleiri en Sjálfstæðisflokkurinn sem hafa sofið á verðinum eða látið eins og þeir skildu ekki alveg þetta mál. Tek fram að ég skil það ekki en hef þó aðeins séð virka gagnrýni á það úr einni átt. Svandís Svavarsdóttir hefur rækilega hrist upp í þjóðinni. Hefur Samfylkingin staðið í þessu. Samþykkti hún ekki sameinginu Geysir green og REI eða tók ég vitlaust eftir. Áfram Svandís !!!

[Kristjana Bjarnadóttir, 11.10.2007 kl. 13:14]

Einungis Sjálfstæðismenn hafa ljáð máls á að hraða sölu hluta OR í REI til einkaaðila hið fyrsta án þess að geta þess hvað gert verði við hlut REI í Hitaveitu Suðurnesja. Það er fyrst og fremst það sem ég gagnrýni.

Ég hef skilið fréttir þannig að fulltrúar minnihlutans hafi setið hjá við afgreiðslu sameiningarinnar vegna skorts á upplýsingum. Ég útiloka ekki að sameiningin hefði getað verið gott skref ef ekki hefði komið til sú óeðlilega afgreiðsla málsins eins og fram hefur komið. Þá geri ég einnig þá kröfu að orkuauðlindir þjóðarinnar séu undanskildar þeim fyrirtækjum sem verið er að sameina en svo hefur greinilega ekki verið. Svandís er að standa sig afburða vel.