Undrandi tunna

Það var verið að steypa á Stakkhamri. Líklega var þetta þegar verið var að byggja eftir brunann 1971. Í þá tíð hjálpuðust menn að þegar mikið lá við og á steypudögum komu nágrannarnir og aðstoðuðu.

Einhverra hluta vegna var tunna fyllt af steypu. Þetta var gamaldags trétunna með gjörðum og öllu. Hún þoldi ekki álagið og gliðnaði í sundur.

Elli í Dal horfði á tunnuna og sagði: "Sjáiði tunnuna, hún er svo hissa að hún féll í stafi!".

Athugasemdir

[Solla Guðjóns, 15.1.2008 kl. 22:46]

Skemmtileg saga.

Það mætti nú vera meira um samvinnu/skiptivinnu og náungakærleik nú til dags.

[Erna Bjarnadóttir, 16.1.2008 kl. 08:49]

Mannstu ekki líka eftir "gemlingi í Dal frá ullu...."

[Anna Einarsdóttir, 16.1.2008 kl. 22:05]

  Elli er svo mikill húmoristi.