Beisluð og óbeisluð orka

Virkjunin sem kennd er við Kárahnjúka var umdeild. Orkan þar hefur verið beisluð hvort sem okkur líkar það betur eða verr. Því miður hefur læðst að mér sá grunur að þar höfum við látið plata okkur í samningum við erlenda auðhringi, selt orkuna okkar á útsöluprís.

En við eigum annars konar orku. Það er orkan sem felst í unga fólkinu okkar. Dætrum okkar og sonum sem eiga að erfa þetta land.

Finnar gengu í gegnum efnahagskreppu. Við uppbygginguna lögðu þeir áherslu á menntun og nýsköpun. Vonandi berum við gæfu til að gera slíkt hið sama.

Hér að neðan er mynd af óbeislaðri orku í tvenns konar mynd. Önnur hefur verið beisluð. Það er Jökulsá á Brú. Hin hefur ekki verið beisluð. Það er dóttir mín, hún er annar af mínum fulltrúum sem ég fel að erfa þetta land. Hennar orka fæst ekki á útsölu.

Myndin er tekin rétt ofan við Rauðuflúð á Jökulsá á Brú á fjórða degi gönguferðar um svæði sem var.

Hér að neðan er það sem hún hafði að segja 14 ára gömul þegar við gengum um það svæði sem nú er umflotið miðlunarlóni:

Það skal tekið fram að foreldrarnir voru tvístígandi í afstöðu sinni á þessum tíma, þetta var hennar einarða afstaða.

Athugasemdir

[Heidi Strand, 1.11.2008 kl. 22:57]

Það var ekki hlustað þá heldur. Við erum að fá þetta í hausinn núna með öllu hinu. fleiri hundruð milljarða var tekinn á láni erlendis til að eyðileggja landið. Nú er komið að skuldadögum.

[Lára Hanna Einarsdóttir, 1.11.2008 kl. 23:00]

Flott stelpa! 

[Anna Einarsdóttir, 2.11.2008 kl. 13:08]

Flott stelpa og skynsöm.