Skessuhorn

Nú nýlega fékk ég í tölvupósti tilkynningu frá íslenskum fjallaleiðsögumönnum um ferð á Skessuhorn á sumardaginn fyrsta. Ég áframsendi á Ásdísi vinkonu mína með orðunum "eigum við ekki að skella okkur".

Í dag var semsagt sumardagurinn fyrsti og ferð með íslenskum fjallaleiðsögumönnum á Skessuhorn, við Ásdís mættar ásamt ektamökum. Frábær ferð og allir glaðir. Ferðasagan kemur hér í myndaformi.

 Skessuhorn er ekki árennlilegt á að líta frá bænum Horni í Andakíl. Andið rólega, þetta er mun þægilegri ganga en lítur út fyrir frá þessu sjónarhorni.

Við vorum fullar eftirvæntingar í ferðarbyrjun, skyldum við "meikaða"?

Við nálguðumst Skessuna óðum.

Hún breytti stöðugt um svip eftir því sem nær dró.

Leiðin liggur sunnan við Skessuna og upp skál þeim megin.

Seinustu sporin upp á hrygginn.

 

Þegar upp var komið fengu göngumenn útborgað.......

...............og bónus.

Skessan er ekki eina hornið á svæðinu, Skarðshorn og Heiðarhorn eru þarna líka og víst er að nokkrum sinnum var rætt um að skella sér þangað upp.

Hin fjögur fræknu voru bara ánægð með sig á toppnum, en munið...........það er kalt á toppnum.

En þá var eftir að ganga niður.

Þetta var hin ágætasta ganga og alls ekki erfið. Við getum hæglega mælt með göngu á Skessuhorn og fullyrðum að þetta er ekkert klettaklifur.

Ég óska öllum lesendum mínum gleðilegs sumars og þakka skemmtileg samskipti í vetur. Bloggskrifin hafa svo sannarlega stytt mér stundir í vetur. Hvort ég verð eins iðinn við kolann í sumar verður tíminn að leiða í ljós.

Athugasemdir

[Lára Hanna Einarsdóttir, 24.4.2008 kl. 22:20]

Frábærar myndir og æðislegt veður! Ég dáist að ykkur. En eins gott að vera ekki lofthræddur í svona göngum.

Gleðilegt sumar og takk fyrir bloggvináttu vetrarins... 

[Valgeir Bjarnason, 24.4.2008 kl. 22:32]

Gleðilegt sumar,

Flottar myndir. Ég öfunda ykkur af svona ferðalögum, það er svo sannarlega góð útborgun áð fá þvílíkt útsýni af toppnum. Ég vona að hagfræðin sé sammála því.

Bestu kveðjur,

[Anna Einarsdóttir, 24.4.2008 kl. 23:13]

Vó, þið hefðuð getað komið við í kaffi.   Gaman að skoða þessar myndir.  Næstum eins og maður sé sjálfur búin að klifra þarna upp.

Gleðilegt sumar !

[Ásdís (IP-tala skráð) 25.4.2008 kl. 09:44]

Við erum svo heppin íslendingar að eiga óteljandi staði sem gaman er að heimsækja. Þetta var fínn sumardagurinn fyrsti Kristjana, myndirnar lýsa því vel:) Til er ég í Skarðshorn og Heiðarhorn einhvern annan dag.

[Erna Bjarnadóttir, 25.4.2008 kl. 10:21]

Þið eruð nú meiri naglarnir. Ég hef einu sinni pjakkað þarna upp á góðum sumardegi. Þá var Linda ca 2 -3 ára og fór með í bakpoka. Þennan fyrsta sumardag fór ég bara á hestbak.