Fossasund

Sund í bergvatnsám er íþrótt sem fjölskyldan (að mér undanskilinni) stundar grimmt, hylir undir fossum eru bestir. Flestar bílferðir og gönguferðir um landið ganga út á að finna fossa og taka sundprett í hyljunum.

Mitt hlutverk er að standa á bakkanum og munda myndavélina. Á ég ótal myndir af restinni af fjölskyldunni við þessa iðju. Um liðna helgi dvöldum við með dóttur okkar í sumarbústað hjá tengdaforeldrum mínum. Þar var einnig Saga frænka.

Við fórum í langan göngutúr og fundum fallegan foss. Myndirnar tala sínu máli.

Fyrst var að venjast vatninu.

Þessi mynd af Sögu finnst mér bara nokkuð góð.

f

Þarna unir skottan mín sér best, ýmist ofaní hylnum, undir bununni eða bak við fossinn.

Eiginmanninum veitti ekki af svolítilli sturtu.

Saga var byrjandi í íþróttinni og tók leiðsögn Ránar vel.

Athugasemdir

[Anna Einarsdóttir, 7.7.2008 kl. 22:58]

Fossasund !  Þetta þarf ég að prófa.    Stórsniðugt, sérstaklega á heitum dögum eins og í dag.  Þetta er sérlega glæsilegur foss sem þið funduð.

[Andri Ívarsson (IP-tala skráð) 8.7.2008 kl. 01:25]

Ég skil það ekki þegar fólk fer sjálfviljað í kalt vatn! Pant standa á bakkanum með þér ef ég lendi í þeirri aðstöðu að þurfa að velja...